விவேக்பாரதி புகுந்த நாள்முதலாய்க் - கண்ணம்மா           புரியாப் பலநிகழ்வு! புகழை வெறுத்துவிட்டேன் - மஞ்சமும்           புதரெனக் குத்துதடி (11) நிறோஷ் ஞானச்செல்வம் குத்தும் முட்களெலாம் - கண்ணம்மா           குவிமலர் ஆயினவோ பித்துப் பிடித்ததுவோ - காட்சியிற்           பிழைகள் தோன்றுதடி! (12) விவேக்பாரதி தோன்றும் சுடர்களிலும் - கண்ணம்மா           தோகை உனதுமுகம் ஊன்றிக் கிடக்குதடி - பிம்பங்கள்           உள்ளம் நிறைக்குதடி (13) நிறோஷ் ஞானச்செல்வம் நிறைந்த கதிரமுதே - கண்ணம்மா           நினைவி லெழுங்கலையே உறைந்த அக்கினியே - உள்ளூர           ஒளிரும் தண்புனலே! (14) விவேக்பாரதி புனலுங் குளிர்கொடுக்கக் - கதிரவன்           புதுமை இதங்கொடுக்க மனத்தில் நினைத்திருந்தேன் - கண்ணம்மா           மழையின் வடிவில்வ...